Мәншүктің блогы

Құсқанаты

Сыр сұлуы — Tue, 04 Oct 2011 05:09:34 +0000

Қараша… Құс қайтқанда, күзгі қайғы,

Күзгі қайғы, жанымды сызғылайды.

Сызғылайды жанымды күзгі қайғы,

Бөлмеде теріс қарап қыз жылайды.

Бөлмеде теріс қарап қыз жылаған,

Сол күні гүл таба алмай қызға ұнаған.

Сол күні жыр жаза алмай қызға ұнаған,

Бармақпен шылым шоғын мыжғылағам.

Бармақпен мыжғылағам шылым шоғын,

Іздесем табар едім гүлін соның.

Іздесең жазар едің жырын соның,

Ал өзім таба алам ба бірінші оның?

Сол түні сол ойыммен биік қалғам,

Қайтейін сол қызды мен сүйіп қалған.

Қайтейін сол қыз мені сүйіп қалған,

Жүрегі бармақтай боп күйіп қалған.

Қалдым мен сүйе алмауды жеңіс санап,

Көрінбес арманың ба ең, ей, құсқанат,

Бей уақ, кәрі ұятым секілденіп,

Бөлмеде қыз жылайды теріс қарап.

Жылағым келеді…

Сыр сұлуы — Thu, 29 Sep 2011 09:28:36 +0000

Ия, жылағым келеді. Аптаның әр бейсенбісінде жылағым келеді. Неге? Былтыр студенттер сабақ таңдағанда “Тәжірибелік онлайн журналистика” деген сабақты қызығып, ооо, бірдеңе үйренетін болдым деп таңдағам. Мен емес, 22 студент те осылай таңдаған. Бірақ… олай болмай шықты. Сабаққа қатысқаныма екі апта болды (алдыңды апталарда саяхатта жүрдім ). Онлайн туралы сөз айтылса, мұрнымды кесіп берейін. Дым, дым… бұл саладан мақұрым мұғалім сабақ береді екен (Саяхаттап ел, жер көргеніме қуандым, осындай мұғалімнің сабағында отырғанша). Бізге сабақ беретін Марс Жаңабаев деген мұғалім Шымкентте заң саласында бакалавр, дәл сол мамандық бойынша ҚазҰУ-да магисрлік оқуын оқыса, доктарантурасын осы журналистика факультетін оқып жатқанға ұқсайды. Өзінің айтуынша, осы сабақтан дәріс оқуға міндетті екен. Ал не үйретті десеңіз? Ещтеңе. Не мынаны оқы деп де бағыт бағдар бермейді.Бар айтатыны, “өзің іздену керексің”. Студент – ізденуші. Өзім керектерімді оқып үйренетін болсам, неменеге университетке түстім деген ой туады. Жарайды, лекция оқымай-ақ қойсын, бірақ болмағанда онлайнның не екенінен хабары болу керек шығар. (Әлде, менікі бұрыс па?!) Қызық, таң қаласың, білмейтін саласында адам қалай дәріс оқиды екен деп. Грантта оқысам өкінбес ем, ақылыда оқыған соң ішім ашиды. Әрине, ҚазҰУ-да мықты-мықты мұғалімдер бар, оны мойындаймын. Ал, жаңа медиа саласында дәл Асхат ағайдай үйреткен мұғалім жоқ шығар. Биыл жаңа медиаға қатысты үш сабақ бар “Интернет журналистика”, “Медиадизайн” және осы “Тәжірибелік онлайн журналистика”. “Интернет журналисткадан” беретін мұғалңм де бұл саладан хабары жоқ. Бар айтатыны “өзіңнің жеке сайтыңды жаса”.Биыл бітіруші түлекпін, сонда да осы салаға қызыққан соң бірдеме үйреніп шыққым келеді.

Мұнымен айтпағым, ҚазҰУ мұғалімдері нашар деген сөз емес, бар! Бірақ, әркім өзінің білетін саласында мұғалім болса және сабақтарға сол саланы білетін мұғалімдерді жіберсе. Бар тілегіміз осы… (Эмоциям аралас, ренжімеңіздер)

Орталық, шығыс өңірлерге саяхат)))

Сыр сұлуы — Wed, 28 Sep 2011 13:31:19 +0000

Сонымен, сабақ басталмай жатып қыркүйектің 8-і күні алғашқы жолымыз Қарағандығы жүріп кеттік. Саяхатқа шыққандар: мен (Мәншүк), Әйгерім, Жаңылай, Назерке, Даяна, Арнат. Қарағандыға біз қыркүйектің 10-нда Қарқаралыда болатын Қасым Аманжоловтың 100 жылдық тойына бардық. Той жақсы өтті. Тойда 300-ге тарта киіз үй тігіліп, 35 000-нан астам адам келген. Маған ұнағаны Үлкен сахна жақта той болып жатқанда, әр ауылдан келген өнерпаздар олар өздері әндетіп жатты. Әрине, сол ауданнан шыққан дәстүрлі, эстарада әншілерінің де коцерті болды. Тойдан кейін Қарқаралы ауданын аралап, Құнанбай мешітіне бас сұғып, аудандағы бір-екі музейге бардық (аттарын ұмытып тұрмын). Шайтанкөл, Шахтер деген көлдердің табиғатын тамашалап бір күнімізді осылай аяқтадық. Ал, 12-қыркүйекте Қарағандыдан Астанаға жүрдік. Астанада өзімізді дамып кеткен елде жүргендей сезіндік (Даянаның айтқаны). Бәйтерек, Хан шатыры, Есілдің жағасы… осылай жалғасып кете береді. Шырт-шырт фотоға түсуді де ұмытпадық. Астанаға барған күні бізді бірнеше өлеңдердің авторы (мысалы, “Соңғы вальс”, “Көңіл қымбат”) Әкім аға Ысқақпен кездестік. Сондай жақсы кездесу болды және бізге соңғы шыққан “Ақсауытты Ақтамберді” атты зерттеу еңбегін сыйлады. Ары қарайғы сапарымыз Астанадан Семейге жалғасты. Онда курстас қызымыз Мадинаның ұзату тойына барып, тойдан кейін Семей қаласында блогшы Тотымен кездесіп, Абай музейін аралап, кешке үйінде қонақта болдық. 18-де Алматыға қайттық. Ары қарайғысын суреттер баяндайды.

Ботақара ауылы

Қасым Аманжоловтың 100 жылдық мерейтойында

Құнанбай қажы мешіті

Мәди ескерткіші

Шахтер көлі

Шайтанкөлдегі бара жолдағы орман

Бұл – Шайтанкөл. Таудың басында теңіз деңгейінен 1200 метр биіктікте орналасқан.

Саяхаттағанда осы – алтау.

Астанада қыздар осылай фотоға түсті

Есіл ағадғы Есіл ағады…

Әкім Ысқақпен

Мәдинаның ұзату тойы

Тотының үйінде қонақтамыз.
Кеш жазғаныма, фото көп салып жібергеніме кешірім сұраймын.

Тесік моншақ жерде қалмайды…

Сыр сұлуы — Sun, 31 Jul 2011 07:00:23 +0000

Ауылда мынадай моншақтарды көптеп кездестіруге болады. Ол моншақты ешкім тақпайды, бірақ қазақтың кез келген тойынында қонақтарға осындай моншақтар таратады. Үйде бірталайы жиналып қалған соң, тастауға қимай бір кәдеге жаратайын дегем. Сонымен, осы қарапайым, арзан тұратын моншақпен біз гүл жасаймыз.
Алдымен, бізге моншақ(біркелкі болғаны дұрыс), жұқа мыс, бисер керек.

Моншақты бөліп алған соң, оны сымды ортасын теңдей алып, екі жақты сымды моншаққа қарама-қарсы өткіземіз.

Ары қарай, екі, үш, төрт, беске дейін барып, кері қарай 4,3,2,1 моншақтан тізу керек.

Мыналар дайын болғандары.
Жоғарыдағы бисерді 3 данадан сымға ораймыз суреттегідей болу керек. Ал мынау дайын болған гүл.

Есімдер ерекшелігі

Сыр сұлуы — Thu, 21 Jul 2011 11:47:09 +0000

Картадағы менің ауылым

Сыр сұлуы — Wed, 20 Jul 2011 10:27:26 +0000

View Larger Map

Әйгерім Бегімбет Оралхан Бөкей жерінде

Сыр сұлуы — Wed, 20 Jul 2011 09:57:28 +0000

Оралхан Бөкейдiң ауылындамыз. Өзi тұрған шаңырағын мұражай-үйге айналдырыпты. #Wyngystai—
Begimbet (@Aigera90) July 13, 2011

Бiрақ мұражай алдындағы мүсiннен Орағаңның бейнесiн , көре алмайсыз. Ұқсамайды және сапасыз жасалыпты. #Wyngystai—
Begimbet (@Aigera90) July 13, 2011

Қош келдің, уордпресс!

Сыр сұлуы — Mon, 18 Jul 2011 15:35:40 +0000

Қанша уақыт екенін білмеймін, әйтеуір уордпресс арамыздан алыстағалы блог деген ұмыттық. Арасында Керекинфоға барып тұрамыз. Дегенмен, уордпресске жетпейді екен. Кешке қарай, Ұшқынның кордпресстегі блогын жарнамалап қойыпты. Көріп, қуанғаным-ай! Әйтеуір арамызға оралды. Соған қуанып отырмын. Блогерлер уордпресстің арамызға оралғаны құтты болсын!!!

“Вид” жасаңдар

Сыр сұлуы — Tue, 07 Jun 2011 07:08:58 +0000

Мен бұл жазбада жалпы, вид туралы айтпақпын. Өткенде Какен Хамзинді бір канал келіп түсіріп жатты. Кітапханада журналистика факультетінің студенттері отырдық. Сонда оператор “вид жасаңдар” деді. Бәрі өзінің роліне кіріп кеткен. Бірі- кітап оқып, екіншісі – газет қарап отырған болып отыр. Сонда хабарды жасап жүрген журналистің айтқаны: “Осы журналистика факультетіне келіп сюжет жасасаң қиналмайсың, ал медицинада, басқа салада оқитындарға барсаң камераны көргеннен қашады”-,дегені. Сонда ойланып отырып, ия, расымен мен прктикада Қазақ радиосынан өткенде пікір жинауға көшеге жіберген. Сонда көшедегі адамдардың диктофоннан қашқанын көрсеңіз. Не үшін қашады? Түсінбеймін. Пікір берген күннің өзінде аты жөнін айтпай, біраз әбігерге түсіреді. Газет, телевидениеде де сондай. Камера, диктофонды көрсе, жауды көргендей қашатынын түсінбей жүрмын. Мүмкін сіздер білерсіздер?

Қазақтар – ең сұлу халық!

Сыр сұлуы — Sun, 05 Jun 2011 10:32:09 +0000

АҚШ-тың ұлттық географиялық ұлттық қоғамының тапсыры бойынша дайындалған зерттеу нәтижесі осындай қорытындыға келді. Бұл жағымды жаңалықты алғаш болып “Экспресс-К” газеті жариялап жіберді. Басылымның жазуынша, бұл сұрақ-жауапқа жер шарының әр түкпірінен 3 жарым мың адам қатысқан. Бұл сында 200 – ден астам ел тұрғындарының жүздеген суреттерін қарау арқылы баға берілген. Қазақстаннан Алматы мен Астана қалалары тұрғындарының суреттері жолданған екен. Сөйтіп, Құдайдың құдіретіне қараңыз, қазақтар жер шарындағы “ең сұлу халық” деп танылды. Ал екінші орында бразилиялықтар келеді.

“Болашақ” газеті, 6 сәуір, 2011 жыл.